Décharge d'Albitreccia: c'est fini
(A redazzioni d'Alta Frequenza) - U prifettu di Corsica, cù un arrestu di u 16 di maghju, hà ricusatu à a sucità Calda Immobilier l'autorisazioni di sfruttà una stallazioni pà mettaci rumenzuli micca periculosi è una stallazioni pà rumenzuli inerti. Quissi quì, annant'à u locu dittu Mucciellu di a cumuna d'Albitreccia aviani fattu nascia, rammintemu la, u disaccordu viulenti di a pupulazioni. L'argumentazioni sviluppata da u prifettu pà ghjustificà ssu ricusu hè cumplessa è ricca ma si pò cità par asempiu parechji avisi chì l'ani ghjuvatu di basa. A cumissioni d'inchiesta avia datu un avisu negativu; l"ARS, l'aviazioni civili, l'istitutu naziunali di l'urighjini è di a qualità, u serviziu dipartimintali di i fochi, u cunsighju dipartimintali di l'ambienti è di i risichi sanitarii, è a lista ùn hè micca sana, aviani datu dinò un avisu in ssu sensu.
Sur le même sujet
