Décès du Professeur Michel-Claude Weiss
Hè mortu luni Michel-Claude Weiss, prufissori in antrupulugia biulogica, etnulugia è prestoria.
Hè statu insignanti à l’Università di Corsica da u 1980 à u 2008.
Prufissori passiunatu, hà marcatu tanti levi di studianti, cù i so qualità umani è prufiziunali tamanti.
A so primura, era di trasmetta u sapè è di sparta i cunniscenzi.
« Circadori famosu, à l’urigina lla scuparta lla Donna di Bonifaziu, autori di tanti libra è articuli, u prufissori Weiss hà avvintu a Corsica, fendu ci scuparti archiulogichi di prima trinca pà a capiscitura di a noscia storia è di u nosciu patrimoniu » dici in u so umaghju u prisidenti di l’Università.
L’intarru di Michel-Claude Weiss si farà marcuri à 10 ori, in Galeria.
A squadra d’Alta Frequenza prisenta i so dulianzi sinceri à a so famidda, è à i soi tutti.
