Le Direct

Décès de Marie-Jo Allegrini à Calvi

(A redazzioni d'Alta Frequenza) - A cultura Corsa hà persu una di i so militanti, Marie Jo Allegrini, hè morta in Calvi, a so cità d'urighjini. Issa balanina cunvinta, avia sappiutu pighjà a suprana nant'à u so handicap cunsacrendu si à l'altri, è à a musica. Cantatrici, avia criatu u gruppu L'Alba, è avia fattu calchì scena cù A Filetta, Felì, è ancu Lara Fabian. Marie Jo Allegrini, s'era impegnata dinò com'è cunsighjera municipali di a so cara cità, da u 2001 à u 2008, pà difenda l'intaressu cumunu. Calvi, duva ella s'hè spinta à 48 anni, è duva ella sarà intarrata oghji, dopu à una ceremonia chì si tinarà à 3 ori (ghjovi), ind'a ghjesgia Santa Maria Maiò.