Décès d'un bébé : sa famille dénonce les graves dysfonctionnements et les défaillances de l'hôpital d'Ajaccio
U quattru d’aprili, una donna ghjovana chjamaia i succorsi, in Aiacciu. Incinta in 31 sittimani, cù un partu chì duvia essa suvitatu, risenti dulori forti in corpu. A dici à i spinghjifoca, chì prestu ghjunghjini ind’ed idda.
I primi squadri supr’à locu dumandani l’aiutu d’un medicu urgintistu, mandatu subitu in casa di a ghjovana aiaccina. À senta ni a famidda è u so avucatu, issu medicu urgintistu avaria fattu un sbagliu palesu di diagnosticu, trichendu 50 minuti innanzi di mandà a parsona à u spidali.
Peghju ancu, spieca l’avucatu, u medicu ùn avaria avirtutu u sirviziu di a ghjunta d’una donna in urgenza assuluta.
Ed hè cusì ch’idda aspittarà 27 minuti innanzi d’essa presa in carica. A ghjovana aiaccina era in traccia di fà si un’emurragia interna. Li si faci tandu un taddu cisareu, ma u criaturu hè toccu da lesioni ciribrali impurtanti. Ci vurrà ad aspittà cinqui ori innanzi ch’iddu sichi evacuatu in Marseglia. Si hè mortu à u spidali di a Timone 21 ghjorna dopu.
I parenti è a famidda palesani i mancamenti chì sò sbuccati à nantu à issu drama, è i bucii à daretu : à senta ni l’avucatu, l’hè statu dumandatu, à certi parsoni di i succorsi, di falsificà i raporti.
Steti à senta à Jean-Christophe Coubris, l’avucatu di a famidda.
Sur le même sujet
