Début de noyade pour une fillette de six ans sur la plage de Portigliolu
Photo : SNSM Prupià
Marcuri, u pocu ghjudiziu di i statinanti hà missu à cuntribuzioni, una volta di più, i salvadori à mari.
Ben’ch’iddi sichini stati annunciati i pessimi cundizioni meteurulogichi, parichji parsoni si sò missi in difficultà, masimu in u Vaddincu.
In cor’di dopu meziornu, l’omini di a SNSM di Prupià sò intarvinuti in Purtiddolu, ch’era in traccia d’annigà si una zitedda di sei anni. Hè stata presa in carica, à tempu à a mamma chì circaia à aiutà la, da i parsoni prisenti chivi, innanzi d’essa midicata.
Fatta fini, a mamma è a fiddola sò stati purtati à u spidali di Sartè da i spinghjifoca.
Po’ hè statu signalatu un altru bagnadori in difficultà, è unu chì saria sparitu in Abbartedda. Hè statu tandu missu in anda un dispusitivu di ricirca è salvamentu, direttu da u CROSS.
A prima parsona a l’hà fatta à salvà si da par idda. A ricirca di a siconda parsona hà mubilizatu i succorsi par dui ori.
Dopu fatti i ricirchi è senza altru elementu o pinseri signalatu, u dispusitivu hè statu intarruttu à sei ori di sera.
