Débat sur la politique de la Corse aux Ghjurnate di Corti: Jean Biancucci précise
(A redazzioni d'Alta Frequenza) - Ritornu nant'à i 32i Ghjurnate Internaziunali di Corti chì si sò tinuti tutta a dumenicata, è più particularmenti nant'à u dibattitu di a dumenica dopu meziornu nant'à i cartulari pulitichi maiò di a Corsica (riforma custituziunali è istituziunali, Padduc, statutu di residenti...). Sò stati invitati da Corsica Libera: Maria Giudicelli, incaricata di u cartulari di u Padduc è di u statutu di residenti, è Petru Ghionga pà u latu lingua corsa raprisintendu l'esecutivu, eppo Jean Baptiste Luccioni, cunsighjeru tarrituriali pà Corse Social Démocrate. Scambii custruttivi, cù una vera voglia di tuttu ognunu, malgradu i sfarenzi, di crià una maiurità forti à l'assemblea di Corsica, pà neguzià dopu cù l'istanzi pulitichi naziunali i più alti nant'à i quistioni fundali pà l'avvena di l'isula. Micheli Castellani è Ghjuvanni Biancucci erani anch'elli à a tribuna pà raprisintà Femu a Corsica. Pà u merri di Cutuli Curtichjatu, ssi discorsi guasgi unanimi à l'assemblea tarrituriali, ùn sò micca u fruttu di l'azardu, ma bè di una custruzzioni pulitica nant'à dicennii di u "muvimentu naziunali" cù tutti i so cumpunenti.
Ecoutez Jean Biancucci, qui ajoute également un bémol et des précisions qui ne sont pas sans importance.
Sur le même sujet
