Débat budgétaire musclé à l'Assemblée de Corse : le sentiment de Paul Giacobbi
(A redazzioni d'Alta Frequenza) - Dibattitu bughjettariu forti dopu meziornu (ghjovi) à l'Assemblea di Corsica trà Paul Giacobbi, l'anzianu presidenti di l'Esecutivu è Gilles Simeoni, u novu. Duviami veda ciò ch'è no duviami veda, duvia sanguinà : hè cusì chì ssa cunfruntazioni era stata prisintata parechji volti ind'a stampa, ma infini, ùn ci sarà micca stata a guerra di i capizzoni. Di sicuru, i dui presidenti si sò cunfruntati nant'à un tarrenu puliticu cù argumenti certi volti assai putenti. Validità di i sciffri, manera d'avvicinà i meccanisimi finanziari anziani è attuali, argumenti contr'à argumenti, validità di certi studii o ancu missa in causa di cabinetti di studiu, guasgi tuttu hè statu amintatu dopu meziornu pà sbuccà nant'à ssu risultatu : a Cullittività di Corsica hè in una situazioni bughjettaria difficiuli. Quali hè chì n'hà a colpa ? Ancu i sperti straziani pà dà u so parè, parchì i listessi fatti, i listessi sciffri poni essa letti di manera sfarenti s'ellu si batti à prò di tali raghjoni o di un'antra. Ùn ci duvaria micca essa scandalu dunqua à l'Assemblea di Corsica infini, ma tuttu simpliciamenti una passazioni di puteri inde cundizioni ecunomichi difficiuli. Paul Giacobbi hà rispostu ad ogni puntu, sciffru contr'à sciffru à l'attacchi chì l'ani toccu. Emi campatu un veru dibattitu puliticu o simpliciamenti à una lotta trà sperti finanziari ?
Steti à senta à Paul Giacobbi, l'anzianu presidenti di l'Esecutivu di Corsica.
Sur le même sujet
