Débat budgétaire à la CTC : Paul Giacobbi pense avant tout à la Corse
(A redazzioni d'Alta Frequenza) - Una ghjurnata senza fini è senza votu par avà : l’Assemblea di Corsica ùn hà ancu bughjettu primitivu stamani. Discorsi longhi è pusizioni fin’è un’ora di mani, è un’uppusizioni di diritta com’è di manca chì dici essa pronta à vutà contr’à ssu prughjettu di bughjettu è l’imprestitu prupostu da a maghjurità nova. I discussioni devini ripighjà stamani pà un votu in fin di matinata. Nanzi a suspensioni di a seenza, Gilles Simeoni hà parlatu di ssu blucchimi pussibuli di l’istituzioni. Un blucchimi ch’ellu ùn voli micca cunnoscia ben intesu u presidenti di l’Esecutivu di pettu à l’avvena di a Corsica. Omu s’hà da ritruvà dunqua ssu vennari pà un votu cù un risultatu mancu appena sicuru. Nanzi à què, duranti u dopu meziornu, è dopu un’intarvinzioni di u presidenti Simeoni è di u rapurtadori di a cumissioni di i finanzi Paul Leonetti, Paul Giacobbi hà prisintatu i so argumenti è difesu u so bilanciu. Un bilanciu missu propiu in causa da a maghjurità, chì hè vultata nant’à u passivu ch’ella avaria lacatu a maghjurità scorsa è chì hà prisintatu u risultatu di u studiu di u cabinettu Klopfer. In u dopu meziornu, Paul Giacobbi dicia essa apartu à a discussioni è senza spiritu di rivincita di pettu à a maghjurità nova. Paul Giacobbi dicia dinò ch’ellu ùn vulia micca bluccà l’istituzioni di a maghjurità naziunalista, pà principiu.
Steti à senta à Paul Giacobbi.
Sur le même sujet
