Débat budgétaire à Bastia : présentation du projet et réponse de Gilles Simeoni aux critiques
(A redazzioni d'Alta Frequenza) - Ssu marcuri, u cunsighju municipali di Bastia hà trattatu u famosu dibattitu d’urientazioni bughjettaria, un dibattitu chì lacarà forsa tracci. U so merri, Gilles Simeoni, hà amintatu u cuntestu finanziariu assai assai difficiuli è studiatu di manera prufonda di ghjinnaghju prima di prisintà i quattru lati d’urientazioni pà u bughjettu. U prima sarà d’ùn fà micca crescia l’impositi, in u 2015 à u minimu, malgradu a necessità di truvà 3,6 millioni d’auri ogni annu pà pudè ghjunghja à un equilibriu trà i spesi in crescita è i ricetti chì calani. I trè altri sarani di mantena u risparmiu, di tena a pussibilità di fà muvimenti è quilla d’investiscia. Urientazioni prisintati cù prughjetti priuritarii, com’è un parking di 1 000 piazzi in Toga o a rialisazioni di un balconu u longu di a citadella pà pudè cumplittà a via dolci. Ma l’evenimentu di ssu dibattitu sarà statu di veda à François Tatti, chì faci parti di a maghjurità municipali, prisintà riservi è preoccupazioni di pettu à u ducumentu prisintatu. Pà contu soiu, l'uppusizioni, assai surpresa da ss'episodiu, ferma di sicuru a più putenti ind'i so critichi. Gilles Simeoni hà prisintatu tuttu u prughjettu missu in ballu da a maghjurità municipali. Hà rispostu dinò à i critichi di Jean Zuccarelli, ma dinò di François Tatti.
Steti à senta à Gilles Simeoni, u merri di Bastia.
Sur le même sujet
