De nouvelles modalités pour l'organisation des élections municipales de mars
(A redazzioni d'Alta Frequenza) - A prifittura di Corsica hà prisintatu stamani (vennari) i novi mudalità pà l'urganisazioni di l'alizzioni municipali di marzu. Ci voli à sapè chì a legi di maghju di u 2013 hà intruduttu cambiamenti maiò ind'u modu di scrutinu è par asempiu ind'i cità trà 1000 è 3500 abitanti. Emi da pruvà à essa corti è pricisi prisintendu vi cosi simplici, infini cosi chì parini simplici. Pà una cumuna fin'è 1000 abitanti, a manera di vutà ùn cambia micca, fora di u fattu chì: Una pezza d'identità sarà ubligatoria pà vutà. A dichjarazioni di candidatura sarà ubligatoria. Sarà impussibuli di vutà pà una parsona chì ùn hè micca candidata. L'affari sò in francesi pà i cumuni trà 1000 è 3500 abitanti parchì quì a manera di vutà cambia. I cunsighjeri municipali ùn sarani più eletti à u scrutinu maghjuritariu com'è prima ma à u scrutinu di lista bluccata, vali à dì chì sarà impussibuli di caccià nomi di una lista pà metta ni altri di fora. Una nuvità pà ssi cumuni, si vutarà à tempu pà cunsighjeri cumunutarii chì farani parti dunqua di i cumunità d'agglumerazioni, urbani o metropoli. Rammintemi ch'elli erani fin'è tandu numinati solu. Pà i cumuni di più di 3500 abitanti, a manera di vutà ùn cambia micca ma ci sarà una nuvità maiò. I cunsighjeri cumunutarii chì sarani à a CAB, a CAPA, o un'antra cumunità ùn sarani più numinati ma eletti. In fatti, 25% sarani solu à tempu cunsighjeri municipali è cunsighjeri cumunitarii, i 75% chì fermani sarani dunqua o l'unu o l'altru. Una regula cumplessa di spartizioni sarà missa in ballu ma rindaria più difficiuli u nostru sviluppu.
Steti à senta à Blaise Gourtay, secretariu ghjinirali di a prifittura di Corsica Suttana.
Sur le même sujet
