Le Direct

S’avvicina l’ora lla greva, à a cumpagnia La Méridionale.

(A ridazzioni d'Alta Frequenza) - S’avvicina l’ora lla greva, à a cumpagnia La Méridionale. I sindicati CGT, STC, CFTC è a CFE-CGC di l’ufficiala ani spostu un avvisu pà u 21 di ghjunghju.

U pinseri maiori, hè sempri quiddu di l’ufferta marittima pruvisoria lla Corsica.

LA Méridionale hè stata prima scantata pà i porti d’Aiacciu è di Lisula, po’ dopu pà quiddu di Bastia. U raportu chì spieca iss’affari duvaria essa prisintatu pà a prossima sissioni di l’Assemblea di Corsica.

A cumpagnia pò sempri pratenda à u sirviziu pà i dui porti sicundarii di Prupià è Portivechju. Ma a perdita di i porti principali impinsirisci à veru i sindicata, chì rimpruvarighjani à a dirizzioni d’avè fattu scelti pessimi, par ciò chì tocca à a Corsica.