De fortes pluies s'abattent sur l'Est de la Corse
(A redazzioni d'Alta Frequenza) - A Corsica, a sapeti, hè in vigilenza arancia pà u risicu acquata è inundazioni. I cumuli d'acqua sò impurtanti nant'à a parti urientali di l'isula, in particulari in Fium'Orbu è in Alta Rocca. A circulazioni hè cumplicata nant'à a strada tarrituriali 10 in Vintisari, ma dinò nant'à a strada dipartimintali à u nivellu di a cumuna d'A Ghisunaccia. In Corti, l'acqua pudaria essa tagliata fin'è ssu luni in principiu di matinata, pà privena u risicu di disguasti nant'à a reta par via di a cullata di u nivellu di a Restonica, di u Tavignani è di fiumicelli. Una falata di petri hè stata signalata vicinu à u ponti d'A Casaluna, nant'à a strada di San Lurenzu. A prudenza a più maiò hè racumandata.
Sur le même sujet
