David Guiraud, député LFI, demande la dissolution de l'association Corse-Israel
David Guiraud, u diputatu di « la france insoumise », avia dumandatu ch’iddu sichi scioltu l’associu Terra Eretz Corsica Israel, parvia di i presi di pusizioni anti palistiniani di u so prisidenti. D’altrondi, un currieri era statu mandatu à gérald darmanin, u ministru francesu di l’internu.
Ma ci hè statu unu sbagliu, chì ùn era quissu l’associu missu in causa. Dopu avè dumandatu scusa à Terra Eretz Corsica Israel, ch’ùn avia fatta fini nienti à chì veda cù issa dumanda di u diputatu, David Guiraud hà fattu una nova dumanda ufficiali, issa volta contru à l’associu Corse Israel : u so prisidenti, David Antonelli, hà avutu uni pochi di presi di pusizioni dipoi l’attaccu tarruristu di u Hamas di u setti d’uttrovi, è hà dittu in parichji volti ch’idd’ùn avia nisciun’primura di a sorti di i palistiniani, ch’iddi sichini o micca di u Hamas.
Issi pusizioni sò stati cunsidarati da David Guiraud da chjami à l’accidiu, è tandu hà dumandatu ch’iddu sichi scioltu l’associu Corse Israel.
