Culture : la Collectivité territoriale de Corse songe à un nouveau modèle
(A redazzioni d'Alta Frequenza) - Da u 7 fin'è u 28 di nuvembri, a Cullittività tarrituriali di Corsica hà da urganizà "l'Attelli di a Cultura". Sei attelli timatichi nant'à prublematichi sfarenti, par asempiu l'industrii culturali com'è fattori di crescita ecunomica, u sviluppu di i tarritorii, a criazioni artistica oghji, l'educazioni artistica è culturali o ancu a cultura corsa in u spaziu mediterraneu è aurupeu. U fruttu di ss'attelli chì sarani urganizati in Aiacciu, Pigna, Bastia, Purtivechju è I Fulelli sarà ristituitu mentri una ghjurnata didicata in Corti à l'Università. U scopu hè chjaru : difiniscia un antru mudellu chì mischjaria di più a cultura è a leia suciali, cù a criazioni è a lingua corsa com'è mutori, cù un dialogu arrimbatu nant'à a cunfidenza trà l'attori culturali è l'istituziunali. Un inghjocu maiò à u mumentu induva u mondu culturali isulanu pati i cunsiquenzi di a calata di i suvvenzioni accurdati da a CTC, par via di un cuntestu bughjettariu custrettu.
Steti à senta à Josepha Giacometti, cunsighjera esecutiva in carica di a cultura.
Sur le même sujet
