Crise des déchets : le maire de Prunelli di Fium'Orbu monte une nouvelle fois au créneau
(A redazzioni d'Alta Frequenza) - "Ùn semi micca a rumenzula di a Corsica " ! Pierre Siméon de Buochberg, u merri di Prunelli di Fium'Orbu, hà incalcatu annant'à què ssu luni da mani duranti una cunfarenza di stampa pà ciò chì tocca a sarratura dipoi stu ghjornu di u ruminzulaghju di a so cumuna. Blucchimi cuncirnendu u prughjettu di criazioni di un centru di scumpartimentu meccanicu è biologicu in Tallone, sarratura di u ruminzulaghju di Vicu, ricusu par asempiu di a Cità di Bastia di firmà u protocollu d'accordu pà una riduzzioni di i rumenzuli, tutti ssi fatti ùn pudiani cà inghjinnà un'azzioni simuli sicondu u merri. Di pettu à ssa trappula senza isciuta, u primu magistratu di a cumuna dumanda à tutti l'eletti di a Corsica di pighjà i so rispunsabilità è ùn accetta più oghji chì u minimu camiò vinissi à scarcà i so rumenzuli in Prunelli di Fium'Orbu. Un'uparazioni hè privista d'altrondi annant'à u ponti di u Fium'Orbu marcuri à 9 ori, è tutta a pupulazioni di l'isula hè invitata, pà pudè fà mova i cosi annant'à ssu cartulari di i rumenzuli induva più nimu ci vedi bè chjaru.
Steti à senta à Pierre Siméon de Buochberg, u merri di Prunelli di Fium'Orbu.
