COVID-19 : un cluster d'adolescents repéré à Lama
Eccu i sciffri lli virifichi llu Covid 19, cumunicati da l’ARS.
Duminica, sò stati fatti 50 virifichi : 36 in Pumonti è 14 in Cismonti. Un casu solu hè turratu pusitivu in Pumonti. Si tratta d’una parsona ch’ùn stà in Corsica.
Ma a infurmazioni impurtanti, hè l’idintificazioni d’un puntu di cuntaminazioni in Lama : quattru zitiddoni lla cumuna sò stati virificati pusitivi à u Covid19.
U merri hà dunqua dicisu di renda a mascara ublicatoria in a so cumuna, di chjuda a vasca di bagnu municipali, è arricumandà à ugnunu d’ùn urganizà evenimenti fistivi o di famidda. I parsoni in cuntattu cù issi ghjovani sò stati missi à u scartu. Marti, i parsunali midicanti libarali ani da visticà u siscu ind’è quiddi chì sò u più à torru à issi ghjuvanotti.
Hè da nutà chì da u 10 à u 16 d’austu, 43 parsoni sò stati virificati pusitivi. 67 % di quissi t’ani menu di 30 anni, è 7 % t’ani più di 60 anni. 72 % d’issi parsoni virificati ùn stani in Corsica.
Sur le même sujet
