COVID-19 : trois décès supplémentaires en Corse
Eccu i sciffri llu Covid 19, publicati duminica da l’ARS.
Par disgrazia, trè omini si ni sò morti in Cismonti : dui di 74 anni è unu di 83 anni. Sò 156 i cristiani chì u siscu i si hà purtati da quand’idda hè cumencia l’epidemia.
54 parsoni sò in i stabilimenta di saluta.
Quattru sò uspitalizati in Aiacciu. 39 sò uspitalizati in Bastia, quattru di quissi issendu in rianimazioni.
Cinqui parsoni sò in cura di riadattazioni in Pumonti, è sei in Cismonti.
55 virifichi sò turrati pusitivi, 14 in Pumonti è 41 in Cismonti.
A pusitività, par setti ghjorna filati, hè calata un pocu : hè à 2,5 % par tutta a Corsica, cù 1,4 % in Pumonti è 3,3 % in Cismonti.