COVID-19 : Stabilisation dans les hôpitaux corses, le taux de positivité continue de descendre
Eccu i sciffri llu Covid 19, cumunicati luni da l’ARS.
Ad oghji, sò cinqui ghjorna di fila ch’idd’ùn ci n’hè statu, morti.
Da quand’idd’hè cumencia a crisa, sò 130 i parsoni chì u siscu i si hà purtati.
58 parsoni sò sempri uspitalizati : 49 in Pumonti è 9 in Cismonti. 9 di quissi sò sempri in rianimazioni. Issi sciffri sò i stessi chè quiddi di u nanzi ghjornu.
Casi pusitivi ùn ci n’hè statu chè quattru, è pari dunqua cunfirmà si a calata d’iss’ultimi ghjorna.
A pusitività cala ancu idda sinu à 4,9 %, sapendu ch’idd’era à 5,3 % u nanzi ghjornu.