COVID-19 : Nouveau conseil de défense sanitaire ce mercredi matin
Marcuri matina, à l’Elysée, ci sarà – è boca è dà li ! - un altru cunsigliu lla difesa sanitaria. Par avali, ùn si sà ciò ch’iddu n’isciarà, ma dopu à dui sittimani di caramagnola à sei ori di sera, ùn pari cusì sicura ch’iddu avvii, u guvernu francesu, un altru cunfinamentu.
Ben’ch’iddu si ni sichi ghjuntu à 80 000 morti in francia, pari chì par avali ùn creschini tanti i sciffri. U ministru francesu lla saluta, olivier véran, hà dittu à france Info ch’idda « saria ancu pussibuli d’ùn essa mai ricunfinati… U cunfinamentu hè scelta nicissaria quand’idda ci sfughji a situazioni epidemica. Ma oghji ùn hè cusì ».
Hè calatu un pocu u sciffru lli parsoni uspitalizati, è ancu quiddu di l’aienti in rianimazioni.
