COVID-19 : La vaccination ouverte aux 55 ans et plus dès ce lundi
Toccu luni, a vaccinazioni contru à u Covid si pudarà fà pà ugni parsona di più di 55 anni.
Quissa l’hà ditta olivier véran, u ministru francesu lla saluta, in u « Journal du Dimanche ».
Hà spiicatu l’omu chì l’affari era pussibuli gramazia à dui vaccini : quiddu d’Astra Zeneca, ch’ugni francesu di più di 55 hà da pudè riceva senza cundizioni ; è quiddu di Johnson è Johnson, prupostu ancu iddu in francia, « à mutivu di cuirenza è d’efficacità », à ugni parsona di più di 55 anni.
Pà i dui altri vaccini dispunivuli in francia, u ministru hà ramintatu chì a campagna vaccinali cù u Pfizer è u Moderna saria stesa, à parta si da u 16 d’aprili, à i più di 60 anni.
olivier véran vurria ancu fà creda chì spazià i dui dosi di vaccinu à ARN (Pfizer è Moderna) à 42 ghjorna inveci di 28, pirmittaria di « vaccinà più prestu, è senza riducia a prutizzioni ».
Ramintemu chì a francia hè par avali u solu membru pirmanenti llu cunsigliu di sicurità di l’ONU à ùn essa statu capaci à pruducia un vaccinu.
