COVID-19 : La hausse des hospitalisations se poursuit en Corse
Eccu i sciffri llu Covid 19, publicati luni da l’ARS.
61 parsoni sò uspitalizati : 13 in Pumonti è 48 in Cismonti. Di quissi, ottu sò in rianimazioni, tutti in Cismonti.
Una sola virifica hè turrata pusitiva.
A pusitività, par setti ghjorna filati, cala à 2,7 % in Corsica : hè à 1,7 in Pumonti è à 3,4 in Cismonti.
9 388 parsoni sò stati vaccinati, 593 di quissi avendu ricivutu i so dui dosi.
Hè statu missu in anda un sistema di virifica, da pudè infattà a varianti inglesa llu siscu.
Gramazia à issa dispusizioni, 20 casi d’issa varianti sò stati trovi dipoi a sittimana scursa : 11 sò in Cismonti, è 9 in Pumonti, in un puntu di cuntaminazioni aghjà cunnisciutu.
I 20 parsoni pusitivi è i so cuntatti sò stati missi à u scartu à tempu cunnisciuti i so risultata.
