COVID-19 : La Corse a-t-elle atteint son plafond de verre vaccinal ?
A Corsica, ch’era di i righjoni i più vaccinati sinu à pocu, si ritrova oramai in i parti bassi lla classifica.
Cù 46 % lla pupulazioni ad avè avutu a prima dosa llu vaccinu, l’isula passa daretu à a Nurmandia (50,80%), à a Brittagna (50,90%), è daretu à tutti issi righjoni chì ani cuntinivatu à vaccinà in quantità.
In coda lla classifica, a Corsica hè davanti à PACA è Ile de france, ma issi dui pudariani passà davanti, è lacà ci l’ultima piazza da quì à pocu.
Ma inveci, cù un sciffru di 36 %, a Corsica hè sempri in testa, par ciò chì tocca à i vaccinati à dui dosi.
Sè issu puntu pari pusitivu, u sciffru lli primi vaccinati inchieta i medichi, chì pari chì l’affari si faccia più pianu, è ch’iddu si ni ghjunga à una limita.
À veda ni i sciffri di l’ARS, in una sittimana, sariani stati 1 549 parsoni ad avè una prima dosa di vaccinu. D’aprili, si n’era à 2 000 à ghjornu.