COVID-19 : La 9e vague dans sa phase descendante en Corse
In u so bilanciu sittimanali di ghjovi, l’ARS dà a cunfirma di a calata di a passata di u COVID 19 in Corsica.
Da u 19 à u 25 di dicembri llu 2022, 1 410 casi sò stati cuntati, vali à dì 201 à ghjornu. Ancu puri ch’iddi sichini sempri alti, issi sciffri sò calati à pettu à a sittimana passata.
A incidenza hè calata di 19 % in una sittimana. « À u 25 di dicembri, a fila di l’uspitalisazioni cala à pettu à a duminica d’innanzi, u numaru di i parsoni uspitalizati o in rianimazioni hè stabuli è debuli », dici l’Agenza in u so cumunicatu..
Sò intruti 33 parsoni à u spidali issa sittimana, quattru di quissi andendu in rianimazioni. A sittimana passata, erani 49.
69 parsoni sò sempri uspitalizati, ad oghji, parvia di u COVID.
Sur le même sujet
