COVID-19 : L'Agence européenne des médicaments autorise le vaccin Pfizer-BioNTech
L’Agenza Aurupeana lli Midicini hà auturizatu luni l’usu llu vaccinu Pfizer è BioNtech. Era aspittata a nutizia, chì annuncia forsa a prima mani lla vaccinazioni in Auropa innanzi à a fini di l’annu 2020.
L’Agenza hà dittu chì u vaccinu pudaria ancu ghjuvà contru à a forma nova llu Covid 19, affaccata in Ingliterra.
Parichji paesa, trà i quali a francia, ani dittu chì i primi dosi sariani dati duminica, u 27 di dicembri.
Hè dipoi marzu ch’iddu hè sviluppatu issu vaccinu da Pfizer è BioNtech, è a so efficacità saria alta. 616 miliona di dosi sò stati cumandati in u mondu. In Auropa, sò 200 miliona di dosi chì sò stati precumandati.
