COVID-19 : Gabriel Attal appelle à la vaccination massive face au risque grandissant d'une - 4e vague rapide - liée au variant Delta
Gabriel Attal, porte-parole du gouvernement
Pari ch’idda s’avvicinghi, a quarta mani llu Covid 19, quiddi chì certi chjamani dighjà « a mani llu varienti Δ ».
gabriel attal, u francesu portaparolla llu guvernu, hà fattu u puntu lla situazioni sanitaria in francia, dopu à u cunsigliu lli ministri di marcuri.
Hà dittu ch’in certi righjoni, i sciffri di l’epidemia ùn erani cusì boni. A Corsica ùn hè di quissi, ancu puri ch’idda sichi stata multiplicata par dui a incidenza, issi pochi ghjorna.
À liveddu francesu, « a incidenza hè crisciuta di 21 % », hà dittu gabriel attal.
Pà quiddi da 20 à 29 anni, hè duppiata in menu d’una sittimana. U varienti Δ, ch’impinsirisci à veru, faci più di 40 % di i cuntaminazioni.
Hà ripitutu, u portaparolla llu guvernu francesu, a impurtanza lla vaccinazioni. D’altrondi, issi pochi ghjorna, sò crisciuti bè i inghjizzioni di i primi dosi in francia.
Steti à senta un pezzu di a intarvinzioni di gabriel attal.