COVID-19 en Corse : un nouveau décès en Haute-Corse, un taux d'incidence qui continue d'augmenter et des hospitalisations toujours plus nombreuses
Via un bilanciu mandatu à a stampa, l’ARS sona à marteddu, impinsirita da a stesa llu Covid in Corsica.
U tassulu d’incidenza, da u 14 à u 20 d’uttrovi, hà toccu i 204 casi par 100 000 abitanti. Cù una parsona di più chì si n’hè morta à u spidali di Bastia, si ni ghjunghji à 71 parsoni chì u siscu i si hà purtati, in l’ambienti uspitalieri.
L’uspitalisazioni, d’altrondi, crescini sempri : marcuri, n’hè intrutu 5 altri à u spidali di Bastia, pà un tutali di 29, 4 di quissi issendu in rianimazioni.
In Aiacciu, cù 3 novi intruti, si ni ghjunghji à 18, 4 di quissi issendu in rianimazioni.
In Aiacciu sempri, si conta un puntu novu di cuntaminazioni, in un ambienti prufiziunali, cù 4 casi pusitivi.
L’ARS manda dunqua un missaghju chjaru à i corsi : «À senta ni l’Istitutu Pasteur, 3 % di i parsoni tocchi da u Covid risicani d’andà à u spidali. Di quissi, 20 % pudariani andà in rianimazioni. Statisticamenti, ugni sittimana in Corsica, par 175 parsoni tocchi, una pudaria andà in rianimazioni. Una parsona in rianimazioni si passa in media 3 sittimani d’uspitalisazioni. Senza cuntà u risicu di ghjunghja ni à u peghju.
Sur le même sujet
