COVID-19 : Cluster en milieu sportif de 13 personnes positives à Bastia, 67 personnes hospitalisées en Corse (+4)
Eccu, pà issu marti, i sciffiri cutidiani di l’ARS pà u Covid 19
67 parsoni sò à u spidali, vali à dì quattru di più chè arisera. 11 di quissi sò in rianimazioni.
In Pumonti, par 30 parsoni à u spidali, sei sò in rianimazioni o in cura cuntinuva. À pettu à arimani, sò quattru di più à essa intruti, una parsona issendu vultata in casa soia.
In Cismonti, par 37 parsoni à u spidali, cinqui sò in rianimazioni o cura cuntinuva. À pettu à arimani, sò quattru in più à essa intruti, trè issendu si ni vultati in casa soia.
In Bastia, hè statu idintificatu un novu puntu di cuntaminazioni di 13 parsoni, in un ambienti spurtivu. Issi 13 parsoni sò stati missi à u scartu. I virifichi si cuntinivighjani.
