COVID-19 : Cette deuxième vague ne sera sans doute pas la dernière selon le Conseil scientifique
U cunsigliu scintificu francesu pensa chì a siconda mani di u Covid 19 chì si sparghji oramai in Auropa ùn hà da essa l’ultima.
In un so avvisu publicatu luni, scrivi ch’iddu ci hè u pinseri di veda passà parichji volti u siscu pà a fini di l’invernu è ancu sinu à u branu. A situazioni pudaria essa bedda dilicata par parichji mesa. Quantu durarà issa siconda mani llu siscu ? Par avali, ùn si pò sapè, dici u cunsigliu scintificu.
« L’affari dipendi di u siscu iddu stessu, di u climu, di i misuri presi da limità a circulazioni llu siscu, di l’accittazioni di issi misuri è tandu, di u so effettu. À i guverni, li tuccarà à pittughjà si à issi ritorni è cresciti di l’epidemia ».
Si pensa ch’idda si finisciaria, l’epidemia, à tempu à a ghjunta lli vaccini, chì duvariani essa chivi pà a siconda trimisata llu 2021.
In francia, si n’hè oghji à u peghju di i bilanci di poi u branu, cù 416 parsoni morti è 53 000 casi novi. 3 721 parsoni sò in li sirvizia di rianimazioni.
Sur le même sujet
