COVID-19 : 8 nouveaux décès en Corse, 1 108 nouveaux cas quotidiens en moyenne, 21 personnes en réanimation (100% n'étant pas vaccinés ou n'ayant pas reçu la dose de rappel)
Com’è ugni marcuri, l’ARS hà fattu u puntu sittimanali di l’evuluzioni lla pandemia in Corsica.
Cresci a circulazioni llu siscu, cù un’incidenza chì tocca oramai i 2 444 par 100 000 abitanti.
Trà u 27 di dicembri è u 2 di ghjinnaghju, 7 758 parsoni sò stati virificati pusitivi, vali à dì in media 1 108 casi à ghjornu.
A incidenza a più alta hè ind’è i 15 à 19 anni (3 946) è ind’è i 20 à 39 anni (3 955).
Par disgrazia, 8 parsoni si ni sò morti issa sittimana.
78 parsoni sò uspitalizati, chì t’ani in media 69 anni.
21 parsoni sò in rianimazioni, chì t’ani in media 63 anni.
À senta ni à l’ARS, 100 % di i parsoni in rianimazioni ùn sariani vaccinati, o ùn avariani fattu u rappellu.
73,7 % di i più di 12 anni sò intigralmenti vaccinati (sò 89,8 % in francia). 40,8 % ani fattu u rappellu.
992 parsoni ani avutu una prima dosa di vaccinu issa sittimana.
