COVID-19 : 4 nouveaux décès en Corse
Eccu i sciffri di u Covid 19 publicati da l’ARS pà issu marti.
Par disgrazia, quattru altri parsoni si ni sò morti à u spidali.
À u spidali d’Aiacciu, hè un omu di 71 annu chì u siscu si hà purtatu.
À u spidali di Bastia, sò morti trè parsoni : un omu di 83 anni è dui donni, una di 55 è l’altra di 84 anni.
Dipoi u 13 di sittembri, 23 parsoni sò morti parvia di u Covid 19 in l’ambienti uspitalieri.
In Pumonti, sò uspitalizati 51 parsoni, vali à dì 7 di più chè u nanzi ghjornu. 10 di quissi sò in rianimazioni o in cura cuntinuva.
In Cismonti, sò 37 à essa uspitalizati, vali à dì 6 di menu chè u ghjornu nanzi. 5 d’issi parsoni sò in rianimazioni o in cura cuntinuva.
L’ARS pricisa infini chì dui canali di cuntaminazioni sò stati idintificati in ambienti prufiziunali.
Sur le même sujet
