COVID-19 : 32 nouveaux cas en Corse, de nouveaux clusters à Tralonca et Porto-Vecchio, trois nouvelles hospitalisations
Si sparghji, è si sparghji bè u Covid 19 in Corsica. 32 casi sò stati cunfirmati luni : 22 in Pumonti, cù 5 di quissi chì ùn sò risidenti. 10 sò in Cismonti, è trà quissi 5 ùn sò risidenti.
Virifichi, si n’hè fattu 466 in Pumonti è 351 in Cismonti.
Trè parsoni sò stati uspitalizati in Bastia, par ghjunghja ni oramai à un tutali di cinqui, dui di quissi issendu in rianimazioni. Dui parsoni sò stati uspitalizati in Aiacciu, ma sò isciuti subitu.
Dui punti novi di cuntaminazioni sò affaccati. Unu, in Portivechju, conta setti parsoni, trà famidda è amichi. Un vinti di parsoni in cuntattu sò stati missi à u scartu.
In Tralonca, una famidda conta trè casi pusitivi. Viaghja a inchiesta da truvà i parsoni in cuntattu, parichji issendu aghjà stati idintificati è missi à u scartu.
L’ARS filicitighja a mirria di a Tralonca par avè missu subitu in anda i virifichi pà quaranta abitanti lla cumuna è i misuri sanitarii in privinzioni.
