COVID-19 : 15 nouveaux décès en Corse, mais des taux d'incidence et de positivité qui diminuent dans l'île
Ghjovi, u 17 di frivaghju, l’ARS lla Corsica hà fattu u so puntu sittimanali par ciò chì tocca à u COVID 19.
Ancu puri ch’iddi calghini incidenza, pusitività è vistichera, si ferma alta a circulazioni llu siscu.
Da u 7 à u 13 di frivaghju, 4 864 virifichi sò turrati pusitivi. In media, ci n’hè statu 695 à ghjornu, a calata issendu di 32 % à pettu à a sittimana passata.
Par disgrazia, 15 parsoni si ni sò morti.
85 parsoni sò uspitalizati, chì t’ani in media 75 anni. 11 parsoni sò in rianimazioni, chì t’ani in media 64 anni.
À qual’vol’creda à l’ARS, 83 % di i parsoni uspitalizati o in rianimazioni ùn sò vaccinati, o ùn ani avutu u rappellu.
In Corsica, 76,1 % di quiddi chì t’ani più di 12 anni sariani vaccinati. 54,9 % avariani avutu u rappellu.
Issa sittimana, 245 parsoni ani avutu a prima dosa llu vaccinu.
