COVID-19 : 12 nouveaux cas en Corse
Eccu i sciffri di u Covid 19 publicati ugni ghjornu da l’ARS.
12 parsoni sariani stati virificati pusitivi, ghjovi in Pumonti. Trà quissi, 10 sò parsoni ch’ùn stani in Corsica. 214 virifichi sò stati fatti in Pumonti è 272 in Cismonti.
Par ciò chì tocca à u puntu di cuntaminazioni di i cinqui zitiddoni di Lama, 199 parsoni sò stati virificati in cunsiquenza dopu à issa scuparta, è altri casi pusitivi ùn si n’hè trovu.
In quantu à i campagni di vistichera, quidda di Prupià, cù 172 virifichi, cuntaia un casu pusitivu. In u Ponti à a Leccia, par 52 virifichi, casi pusitivi ùn ci n’hè statu.
Hè da nutà ch’in Prupià, 31 % d’issi virifichi sò stati fatti à nantu à parsoni ch’in Corsica ùn ci stani.
