Covid-19, grippe : le bilan hebdomadaire de l'ARS de Corse
L’ARS hà publicatu ghjovi i sciffri di i varii epidemii, Covid, grippa è brunchiulita.
À parta si da a sittimana ch’entri, ùn sarà più publicatu issu biglittinu.
Pà a quarta sittimana di l’annu, pari ch’idda sichi stabilizata a circulazioni di u COVID, à pettu à i sittimani scursi.
Da u 23 à u 29 di ghjinnaghju, sò stati cuntabilizati 308 casi novi.
A incidenza hè à 88.
L’attività grippali hè stabilizata à l’urgenzi è ind’è SOS Médecins, ma ferma quantunca à un liveddu altu. Pà a quarta sittimana di l’annu, si n’era ind’è SOS Médecins à 9,6% di i cunsultazioni, vali à dì 222 casi par 2 308 cunsultazioni.
U puntu altu saria statu toccu mentri a sittimana 51 di u 2022.
Par ciò chì tocca à a brunchiulita, l’attività hè stabilizata à un liveddu bassu, è l’epidemia hè finita chì sò dui sittimani. Hè durata setti sittimani.
Sur le même sujet
