Course poursuite à Figari : un gendarme et un automobiliste blessés
A pracura d’Aiacciu hà apartu dui inchiesti, dopu à l’evenimenti di vennari in Ficari.
Una parsona era ricircata, chì a so sparizioni impinsiria a so famidda.
Idintificata da i ciandarmi, avaria circatu à scappà, è i ciandarmi li si sariani fruppati à pressu.
À senta ni a pracura sempri, l’omu t’avia una cundutta piriculosa, ed hè statu missu un dispusitivu da parà lu. Ma l’omu avaria furzatu u dispusitivu, è si saria fruppu à un ciandarmu. Quissu chivi, chì hè statu fertu, si hè ghjuvatu di a so arma.
I dui parsoni sò stati ferti dunqua, ma dici a pracura chì i ferti di l’omu ùn venini da i pistulittati. L’omu – a pracura circa à virificà issa infurmazioni – si saria fertu da par iddu.
U ciandarmu fertu, l’ani purtatu in clinica in Portivechju. L’omu hè statu purtatu à u spidali d’Aiacciu.
Dui inchiesti sò dunqua aparti : una par prova di micidiu à nantu à una parsona in carica d’auturità publica, è l’altra parvia di l’usu di l’arma di sirviziu llu ciandarmu.
Sur le même sujet
