Coup de neuf pour la base nautique des Minelli à Ville-di-Pietrabugno
(A redazzioni d'Alta Frequenza) - S'è l'aria marina pò rinviviscia a parsona è a menti, ùn hè mancu appena u casu pà i custruzzioni. È a basa nautica di i Minelli ni pò tistimunià, parchì a basa di E Ville di Petrabugnu, à a stremità nordu di u portu di Toga, hà suffertu, è suffertu assai, par via di u sali marinu è di i marosuli vinticinqui anni dopu a so inaugurazioni. Dipoi calchì simana, un cantieru longu è maiò di rinnovu hè statu ingaghjatu pà 420 000 auri. Travaghji pà quattru mesi, chì a Cumunità d'Agglumerazioni di Bastia hà dicisu d'ingaghjà pà renda a basa à l'abitanti di l'agglumerazioni, una riflessioni hè purtata d'altrondi nant'à u so adopru, mentri chì calchì elettu faci spuntà l'idea di prupona d'accoglia i sirvizi di u Parcu Marinu di Capicorsu.
Steti à senta à Michel Rossi, u merri di E Ville di Petrabugnu è vici presidenti di a CAB.
Sur le même sujet
