Coup d'envoi du Contrat d'Engagement Jeunes
Marti, hè statu avviatu u Cuntrattu d’Ingagiamentu lli Ghjovani, un dispusitivu novu d’insirimentu in lu mondu llu travaddu.
Hè privistu issu dispusitivu pà i ghjovani trà 16 è 25 anni (sinu à 30 anni par quiddi chì t’ani una infirmità) ch’ùn ani nè impiecu stabilitu (CDI CDD à longu andà), nè furmazioni, nè prughjettu prufiziunali, cunfruntati à difficultà matiriali o suldarini, è pronti à impignà si in issu prugrama.
L’affari pò durà da sei mesa à un annu. Impignati in un prugrama di 15 à 18 ori à sittimana, da circà à capiscia meddu com’iddu viaghja u travaddu, issi ghjovani sarani pagati 500€ à mesi.
Longu à issa spirienza, un cunsiglieri di Pôle Emploi li sarà didicatu.
Steti à senta à Dominique Gatti, a dirittrici di Pôle Emploi in Bastia
In u prughjettu, hè impignata ancu a missioni lucali di Bastia. In i dispusitivi d’innanzi, ùn hè stata cusì asatta di lià Pôle Emploi è a Missioni Lucali à a Scola lla Siconda Furtuna. Issa volta, pari viaghjà a cumplimintarità.
Comu l’hà da accumpagnà, à issi ghjovani, a Missioni Lucali ?
Steti à senta à Emmanuelle Bar-Arrighi, a dirittrici lla Missioni Lucali.
Sur le même sujet
