Coti Chjavari: trois permis de construire examinés par le TA de Bastia
(A redazzioni d'Alta Frequenza) - U tribunali amministrativu di Bastia hà asaminatu oghji (marcuri) trè parmessi di custruiscia dati da Stéphane Bouillon, anzianu prifettu di Corsica ghjustu nanzi à a so partenza, pà ottu custruzzioni turistichi nant'à a cumuna di Coti Chjavari. L'associ U Levante è Le Garde si battini contr'à ssi parmessi di custruiscia, micca legali d'appressu à elli è dati contr'à l'avisu di a DDTM (Direzzioni Dipartimintali di i Tarritorii è di u Mari). Ssu marcuri, u rapurtadori publicu hà suvitatu i richiesti di l'associ dumandendu l'annulazioni di ssi famosi parmessi attribuiti à un capu d'intrapresa spicializatu ind'a risturazioni è l'asgi. U tribunali amministrativu darà a so dicisioni u 26 di nuvembri.
Sur le même sujet
