Costa Concordia : l'interview de Ségolène Royal
(A redazzioni d'Alta Frequenza) - Ssu ghjovi, Ségolène Royal, a ministra di l'eculugia, hè ghjunta in Bastia duva dopu à una riunioni in prifittura di Corsica Suprana, hè andata versu u portu di cummerciu pà cullà annant'à u Jason di a marina naziunali pà pudè supervizà l'uparazioni di trasportu di u Costa Concordia. In fatti arimani, u battellu di crucera hà principiatu u so passaghju à u largu di i costi corsi, è què malgradu a cuntistazioni putenti di parechji eletti è di una parti di a pupulazioni, una manifistazioni marittima è annant'à a tarra essendu urganizata à tempu. Prima di cullà annant'à u Jason, a ministra di l'eculugia hà parlatu à a stampa. A ministra hè cullata dopu dunqua annant'à u battellu di a marina naziunali chì hè statu mandatu da a prifittura marittima di Tulò pà ss'uparazioni. Oghji (vennari), Ségolène Royal andarà in merria di Bastia induva ella prisintarà u cumitatu direttori di a missioni di studiu di u parcu naturali marinu di Capicorsu. Andarà dopu sopralocu, in Ruglianu esattamenti, eppo cullarà annant'à un battellu di a marina naziunali pà una navigazioni inghjiru à l'isuli Finuchjarola. S'è i cundizioni sò boni, andarà dinò in a Giraglia.
Steti à senta à Ségolène Royal.
Sur le même sujet
