Corsica Linea : une partie de la flotte désormais alimentée en biocarburant
Photo Corsica Linea
Via un cumunicatu, a Corsica Linea hà fattu sapè ch’una parti di a so flotta viaghjarà oramai cù un biocarburanti cirtificatu duratoghju.
A biomulecula scelta – di tippu EMAG, cumposta d’un mischiu d’oliu di cucitura riciculatu – permetti di ghjunghja ni à una riduzzioni di 85 % di l’emissioni pulluanti, à pettu à i carburanti fussili.
Corsica Linea manteni dunqua a so ambizioni di riducia i so emissioni di CO2 di 30 % toccu u 2030.
Pierre-Antoine Villanova, u dirittori ginirali lla cumpagnia, spieca chì « aprudà i carburanti scarbunati hè una di i suluzioni scelti par riducia a stampa carbonica di i navi. Di pettu à a scumissa climatica, cuntinuvemu i nosci iniziativi da avvià un trasportu duratoghju è rispunsevuli in u Tarraniu ».
Una prima appruvistera si hè fatta u 18 di luddu pà a navi « Méditerranée ».
L’affari duvaria fà si sinu à a fini di a so sfruttera cumirciali d’istati, di sittembri llu 2023, pà i traghjetti versu l’Africa di u Nordu.
A sfida lugistica hè stata di quiddi, chì issa prima appruvistera si hè fatta ghjuvendu si di camiò, à parta si da a raffinaria di Laverà, in piena sfruttera statinesca di a navi.
Un’uparazioni cumpagna ùn si saria pussuta fà senza l’aiutu di Petroineos è di a sucità di classifica « Bureau Veritas ».