Corsica Libera souhaite que la compétence de la santé revienne à la Corse
(A redazzioni d'Alta Frequenza) - A cumpetenza di a saluta devi essa pà a Cullittività Tarrituriali di Corsica. Eccu u missaghju ch'ellu hà vulsutu fà passà Corsica Libera, postu chì u partitu hè inchietu di a situazioni in parechji stabilimenti di saluta di Corsica. Mentri chì in Aiacciu, u finanziamentu, assai impurtanti, di u spiazzamentu di l'arnesi attuali chì poni essa riguarati in u futuru uspidali ùn hè micca statu presu in contu in i 130 millioni d'auri di bughjettu di custruzzioni, in Bastia, i rinnuvazioni permanenti di un uspidali dighjà trapassati dipoi a so apartura cuntinueghjani d'avè un costu assai caru, cù una quarantina d'impieghi chì sò minacciati. Infini, in Corti è Tattò, l'apartura pussibuli di servizi novi senza impiegà parsunali in più hà fattu nascia una scuntintezza maiò. Tutti ssi situazioni facini dì à Corsica Libera chì u Statu saria ispiratu di dilegà a cumpetenza di a saluta à a CTC, cù a criazioni di un'assistenza publica corsa pà una gistioni unificata è più efficaci di tutti i stabilimenti di saluta isulani?
Steti à senta à Esteban Saldana pà Corsica Libera.
Sur le même sujet
