Corse-Sardaigne : on se rapproche !
(A redazzioni d'Alta Frequenza) - Calchì ghjornu dopu à u viaghju di l'eletti di a Corsica in Sardegna, una dilegazioni sarda hè ghjunta ssu luni da mani in Aiacciu. Purtata da Francesco Pigliaru, u presidenti di a Regioni Autonoma di Sardegna, ssa dilegazioni ùn avia micca francatu i Bocchi pà una simplici visita protocollaria o di curtesia. S'hè travaghjatu assai in fatti ssu luni da mani inghjiru à prublematichi chì intaressani i dui isuli à u prima pianu, com'è quilla di i rilazioni istituziunali, i trasporti, l'ambienti, l'idrolicu, a pianificazioni è ancu l'energia. Un scambiu chì s'hà da traducia in furia da cosi assai cuncreti parchì duranti l'annata, un protocollu d'accordu di cuuperazioni trà Corsica è Sardegna sarà furmalizatu. I Baleari duvariani integrà dinò a dimarchja chì pudaria aduttà ssa filusufia : unisciasi par avè di più pesu.
Steti à senta à Gilles Simeoni, u presidenti di l'Esecutivu di Corsica.
Sur le même sujet
