Corse : la pauvreté ne faiblit pas
(A redazzioni d'Alta Frequenza) - Ùn cala micca a puvartà in Corsica ! Un custatu chjaru, chì par disgrazia ùn hè micca una surpresa, è chì hè fattu da u Succorsu Cattolicu di Corsica. Ssu 9 di nuvembri, com'è ogni annu, hè publicatu u raportu annuali di u Succorsu Cattolicu à u nivellu naziunali, chì faci un bilanciu di a puvartà in Francia. Ssu raportu, u 35esimu, pruduci statistichi inghjiru à i publichi ricivuti da l'associu, l'età di ssi parsoni, i so risorzi misinchi, u nivellu di disimiegu, a natura di ciò chì ùn hè micca pagatu o ancu i bisogni sprimati. In Corsica, u Succorsu Cattolicu hà scuntratu annu più di 2 000 parsoni in situazioni di precarità inde i so accolti, cù casi assai diversi è certi volti assai cumplessi. Menu d'un mesi nanzi à l'alizzioni tarrituriali, hè u bon mumentu pà lampà più cà mai una chjama à i puteri publichi nant'à ssu prublema essenziali.
Sciffri è pricisioni cù Germaine Bourdais, dilegatu di u Succorsu Cattolicu di Corsica.
