Corse en prison : de l'autre côté des murs avec Michel Ucciani
« Corse en prison » : eccu comu iddu a conta, Michel Ucciani, a so vita d’incarciaratu, in u so libru novu publicatu à l’edizioni « Manufacture de Livres ».
Un’opara vera, chì ci lampa in l’universu di i prighjoni francesi è ci permetti di capì ciò ch’iddu hè u cutidianu di i corsi in i so cedduli.
U libru tratta ancu di i diffarenzi di trattamentu di i prighjuneri, di l’insanità di i stabilimenti, di i rigulamenti interni ch’ùn sò i stessi da una prighjoni à l’altra, di a radicalisazioni, ma ancu di beddi scontri.
L’autori hè statu imprighjunatu in circa quindici stabilimenti sfarenti. Ci porghji cusì una tistimugnanza chjara è diretta di ciò ch’idda hè a vita in prighjoni.
Una tistimugnanza chì porta à rifletta à ciò ch’idda hè issa rialità, da daretu à i muri.
Michel Ucciani rendi infini umaghju à u so amicu Yvan Colonna.
Steti lu à senta.
Sur le même sujet
