Coronavirus : un nouveau décès en EHPAD, quasi-stabilité du nombre de cas en Corse
Eccu u cumunicatu di l’ARS par marcuri.
In i spidala, sò stati virificati pusitivi 356 parsoni.
268 sò in Pumonti, vali à dì una di più chè arimani.
78 sò in Cismonti, cù un casu novu.
Dipoi u 23 di marzu, 157 parsoni sò stati virificati pusitivi in i lavuratorii di cità, par 2081 provi fatti. Si ni ghjunghji dunqua, aghjustendu tuttu à 513 casi virificati pusitivi à u siscu in Corsica.
Sò 85 i parsoni uspitalizati. 75 sò in Aiacciu, cù 19 di quissi in rianimazioni. 10 sò in Bastia, cù 2 di quissi in rianimazioni. Pari ch’idda ci sichi una piccula calata in i spidala bastiacci.
In vinti quattr’ori, hè morta una parsona di più in un EHPAD. Da u principiu lla crisa, si ni sò morti 40 parsoni, 34 in i spidala è 6 in l’EHPAD.
Cinqui EHPAD di Corsica contani 32 casi veri o suspetti, vali à dì unu di menu chè arimani.
