Coronavirus : la barre des 100 hospitalisations dépassée en Corse-du-Sud, stabilité en Haute-Corse
(A ridazzioni d'Alta Frequenza) - Innanzi à luni, l’ARS lla Corsica ùn ni darà sciffri, par ciò chì tocca à l’epidemia. U guvernu, inveci, hà publicatu, via u so situ internet, i statistichi attualizati sinu à issu sabbatu. In issi statistichi, ùn c’entrini tutti i parsoni virificati è pusitivi, ma unicamenti i sciffri di i spidala.
In Corsica, sò 108 i parsoni uspitalizati parvia di u Covid19, vali à dì 6 di più chè u ghjornu innanzi. 8 di quissi sò in rianimazioni.
Hè u Pumonti à goda si solu issa crescita, cù 101 parsoni uspitalizati, è 17 di quissi in rianimazioni, vali à dì 5 di più chè u ghjornu innanzi.
In Cismonti, ùn sò chè 7 i parsoni à essa uspitalizati, è trà quissi una hè in rianimazioni. Da quand’idd’hè cumencia issa crisa, 25 parsoni sò pussuti vultà in casa soia in Pumonti, è 46 in Cismonti.
