Coronavirus : l'URPML réclame l’administration de la chloroquine en Corse
Hè in urgenza assuluta a Corsica ! Quissa a dici l’Unioni Righjunali di i Medichi Libarali di Corsica, chì dumanda ch’iddi sichini presi subitu misuri forti, da suluziunà issa situazioni.
Dumanda l’URML chì a Corsica posca binifizià di u prutucollu iniziatu da u prufissori Raoult, di l’IHU di Marseglia.
Issu missaghju, l’ani purtatu i medichi libarali, i parsunala uspitalieri è tanti prufiziunali lla saluta. Hè statu trasmissu à a prifittura lla Corsica è à l’ARS.
« Un ci hè tempu à perda », dicini i duttora. « Hè un duveri di piddà in carica à tutti quiddi chì si pudariani salvà, innanzi ch’idda sichi troppu tardi ».
Stemu à senta à Antoine Grisoni, u prisidenti di l’URML di a Corsica.