Coronavirus : Jean-Guy Talamoni demande la massification des tests et écrit au directeur général de l'OMS
Ghjovi, Jean-Guy Talamoni, u prisidenti di l’assemblea di Corsica, hà fattu – arrimbendu la à un cumunicatu - una lettara à u dirittori ginirali di l’Urganisazioni Mundiali lla Saluta, da fà li rimarcà i dibulezzi è difetti llu statu. In stu currieri, dumanda a giniralisazioni di virifichi pà u coronavirus.
Dici Jean-Guy Talamoni chì a francia « vurria riducia a vistichera llu coronavirus à un numaru limitatu di casi. Issa dicisioni và à contra sensu di ciò ch’iddi facini i paesa chì ani avutu risultati pusitivi in a so lutta contru à l’epidemia, è và ancu à contra sensu di i ricumandazioni di l’Urganisazioni Mundiali lla Saluta. Eppuri, a duttrina francesa s’arrimbaria à un cunsigliu scintificu chì u so prisidenti hà dumandatu arisera a giniralisazioni lli virifichi.
A dicisioni di riducia li hè unu sbagliu maiori. A Corsica, di pettu à una situazioni greva, ùn pò essa suttimissa à i dicisioni pochi capiscitoghji di parigi, ch’ùn piddani in contu nè a impurtanza di a cuntaminazioni in l’isula, nè l’avvisu di i stituzioni internaziunali.
Sur le même sujet
