Coronavirus : 38 personnes testées positives en Corse, un homme de 89 ans décédé à Aiacciu
(A ridazzioni d'Alta Frequenza) - Oramai, sò 38 i parsoni à essa tocchi da u coronavirus in Corsica (33 in Aiacciu è 5 in Bastia).
Oghji, una parsona d’uttantanovi anni si n’hè morta à u spidali d’Aiacciu. À senta l’ARS lla Corsica, issa parsona avia dighjà parichji altri patulugii.
Dui altri parsoni sò sempri in rianimazioni.
In Bastia, i prilivamenti fatti duminica à nantu à ottu parsoni ani avutu risultati nigativi. In quantu à i cinqui parsoni chì sò sempri à u spidali, u so statu ùn porta à pinseri.
In Aiacciu, inveci, pari ch’iddu si sparghji u siscu, postu ch’iddu si n’hè à 33 parsoni tocchi, vali à dì deci di più chè arimani.
L’ARS ramenta à ugnunu a impurtanza di l’igiena in i gesti cutidiani.
Sur le même sujet
