Coronavirus : 23 cas et cluster sur Aiacciu, toutes les nouvelles mesures
Photo d'illustration d'illustration
Eccu un novu puntu lla situazioni in Corsica fattu da u prifettu, a dirittrici di l’ARS è a rittrici, par ciò chì tocca à u coronavirus. Oramai, sò 23 i casi pusitivi in Aiacciu, è si hè parlatu d’un filu di cuntaminazioni.
In Bastia, sò cuntati 5 casi (è micca 10 !), è sariani viaghjadori ghjunti da a Lumbardia.
Un puntu di cuntaminazioni issendu lucalizatu in Aiacciu, sò stati presi parichji misuri :
- Cuntena a circulazioni è l’effetu di u siscu à nantu à i parsoni indibbuliti.
- I ciucciaghji, stabilimenti sculari è perisculari, centri d’imparera, parchi di ghjochi, squadri spurtivi è cunsirvatorii ani da chjuda 14 ghjorna.
À i ziteddi, elevi è studianti chì stani in Aiacciu ma chì sò scularizati in altrù (Corti), li si dumanda di stà in casa soia. L’accolti chì francani i 50 parsoni in i loca chjusi sò difesi par 14 ghjorna.
Si discurrarà cù u vescu par ciò chì tocca à i loca di cultu, è si parlarà più pricisamenti cù u merri d’Aiacciu è cù Munsignori de Germay di a festa lla Misericordia.
I manifistazioni spurtivi ùn si pudarani fà chè senza publicu. I vaschi di bagnu ùn sò aparti chè pà l’intrinamenti o i cumpitizioni senza publicu.
Tutti issi misuri ùn viaghjani pà i cumercia, risturanti o caffè, sin’tantu ch’idd’accoddini menu di 50 parsoni.
Sur le même sujet
